蘇哥清湯腩

營業中

休息中

嚟到一定要試吓佢嘅招牌清湯腩，湯底鮮味，麵嘅質地都恰到好處同湯底非常之夾。講到牛腩方面，肉質非常軟腍，而且牛味好濃，係實至名歸嘅招牌菜！(💡原本碗麵會跟埋蔥花，如果唔要，落單嘅時候就要同職員講啦)另外叫咗濃味嘅沙腩擔擔麵。沙腩識落肉質結實啲但都保持到軟腍，口感會多少少，牛味再濃啲！以擔擔麵方面，湯汁唔係坊間杰撻撻嘅嗰種，但都保持到麻醬嘅香味，同時唔會蓋過牛肉嘅味道，麵質都非常有誠意，有質感、嚼口，整體嚟講湯底、麵、同牛肉嘅配合程度好高！