群記爽腩店

營業中

休息中

柴灣新開左間群記，食評未有文章，我就試吓做第一個.......曾試過爽腩河，崩沙腩河，面珠墩河，坑腩河，咖哩坑腩飯；不過無論配合那一款食材一碗麵最主要嘅靈魂便是湯底，主打清湯牛腩當然是用牛骨清湯，濃郁嘅牛骨味加清甜籮白味調教得不錯，不會太鹹而且喝完亦不會太口渴。而招牌菜爽腩是牛腩近肚皮爽脆煙韌的軟組織，邊皮口感爽口有些似薰蹄，腩肉肉質炆得更是軟軟腍腍，既爽口又可口。崩沙腩與爽腩質感差不多，崩沙腩還多了一層肥膏。自問小弟見識淺薄從未食過牛面珠墩，第一次食口感及質感其實有些似牛𦟌或紅燒牛肉的感覺，牛肉味濃。不過對坑腩便有些失望，炆得未夠腍，肉質帶點韌及比較乾身， 還有少少渣添。食來食去都是湯河，見有飯食提供便試吓他們的咖哩坑腩飯；咖哩是椰汁咖哩派，咖哩味濃但相對比較鹹，坑腩亦是以上的問題。食過咁多間潮式牛腩店，真心說群記整體上實在不錯。還有許多不同部位牛腩可供選擇，款色齊全確稱得上是一間牛腩專家。而且一碗麵的價錢只是30元有找，絕對是經濟實惠。