群記爽腩店

營業中

休息中

群記食過好多次，一向都不過不失。但感覺越食越差。一個人的晚餐🥣。叫了牛湯面珠燈飯$43：牛肉🐂係唔錯，但係好明顯塊牛肉係有部份係大煲度係長時間冇浸係湯度，導致邊位好乾身柴皮。所以見到碗清湯牛面珠燈，有兩三塊係邊位好乾身，好鞋，其他部份就正常，有好明顯的分別。另外order了腩汁清湯蘿蔔$16：第一次食蘿蔔切到咁細粒，仲要唔係腩汁，個汁偏鹹，而蘿蔔都有少少渣。越食越差，希望餐廳注意下食物質素，失望🥲

在香港，牛腩麵店遍佈全港各區，但要說到好吃，很多人也會說「九記」，可是「九記」好像已經變成遊客食店一樣，價錢貴性價比又不高。好多朋友推薦我去柴灣吃群記（因為我在柴灣上班），我以為是我之前在大埔吃過的那一家「群記清湯腩」，可是他們說兩家原來是不同的。所以我就相約我的同事，一起去嚐一嚐！牛爽腩＋春卷河看到餐牌的時候，除了基本的牛腩之外，還有不同部位可供選擇例如：崩沙腩、牛爽腩和牛面珠墩等，有幾款真的很特別，在外面的麵店完全沒有聽過牛爽腩的份量不是太多，數塊爽腩加幾件牛腩而已爽腩有彈性，又帶甘香口感；牛腩偏瘦，咬口較韌。湯底味道濃但有一點油膩和最重要的是沒有什麼牛味春卷則很腍，腍到沒有什麼口感，不建議大家點春卷魚皮則很香口鬆脆，很好吃！總結來說，我覺得一般而已，不是好吃但又不是難吃，價錢則適中。

得閑lunch過來，入內睇餐牌，見價錢抵就叫左雙拼，坑腩拼崩沙腩米線，39蚊，價錢超抵食，份量都多，崩沙腩及坑腩都入味，牛味重，肥瘦都合適，米線份量都多，想食牛時會再來

呢間牛腩店必定會經常去食，大愛多蔥同埋金錢肚，呢度嘅清湯味道清甜，為左唔想啲辣椒醬沾到個湯，所以用左匙羹裝左少量，加埋辣椒醬味道一流。河粉份量對我嚟講可能有少少多，下次會記得少米粉🙈

原來這間店不單止牛正，原來豬什都棒棒的😂雖然這地方老人家特別多，原來時代轉變，開始慢慢都越來越多性價食店之前我都介紹過這間牛牛，所以就唔多講喇。因為原來唔食牛，都有個好選擇嫁就係🐽什喇，沒有內臟唔乾淨既味道。豬什包括（粉腸😂，豬肺，豬潤，豬脷等）如果要食，就早點去喇，因為夜晚有時會沽清嫁還有咸0碧，佢啲咸0非一般，完全爛容容，出晒咸0味。平時嗰啲棟極都不夠燶，這個👍👍👍所以牛又正，豬又正😂

星期六早下班，想吃個午餐才回家，在想吃甚麼好的時候，在路上橋邊看到這群記，印象中聽過，著名吃牛，就進店試試，店內是典型潮式粉麵格局，圓桌圓椅餐牌上選擇廷多，看到一個特別的（面珠）后面還有個字花了，原來是面珠墩，牛的面珠墩很少有地方能吃到，看價錢不貴，然後就還拼了個爽腩5分鐘左右，很快就送上這牛面珠墩爽腩河，滿滿鋪滿的牛面珠墩和爽腩，爽腩看上去就很爽口有彈性，吃進口裡也嫩滑鬆軟，不會硬或乾，有爽口肉感牛面珠墩看上去肉多，其實當中很大部分是軟筋軟組織，咬下去口感更偏向牛筋，而不是牛肉，非常鮮味，很有特色的美食裡面還附贈白蘿蔔，牛腩配白蘿蔔這是很經典配搭，雖然這看上去就是一般牛肉湯河店，但看得出店家很有心思去做得好做出水準，給讚👍🏻

自己已經食過差唔多100次群記爽腩店只係因為佢呢度嘅牛腩麵實在太好味同埋太講究雖然佢同清湯腩存在在一定嘅差距但係潮式腩仲有佢優秀嘅一面自己就好鍾意食牛次次都會嗌爽腩河嚟食因為爽覽真係好似佢個名咁樣肉質鮮甜而且重點就一定係嗰舊橫膈膜嘅爽皮而且睇返價錢其實只係30幾蚊完全唔叫做貴對比番而家市面上大部份粉面店都係呢個價錢，呢個價錢已經可以食到爽腩嘅話係絕對絕對非常抵如果要油菜都只係加$12有芥蘭生菜菜心蘿蔔可以選擇至於汽水就係$6 1罐認真唔貴如果係平日午飯嘅時候學生買外賣仲可以送汽水所以呢一間我一直都會覺得佢係一間非常有良心嘅店舖而且絕對貨真價實老闆都好熱情

這間店都算隱世😂，還是我無乜留意，原來附近有間專食牛肉湯粉第一次試，🐮面肉，真係唔係好多店舖都有這部位食試完幾次，感覺所有🐮都超級夠淋，而且很有牛騷味😂平時啲牛腩幾淋都有一兩嚿硬（堀堀），這間店就不同，每嚿牛都很平均而且還有咖喱食嫁。價錢又大眾化，所以如果喜歡食牛的，真一定要試一試我就試過不同款式部份喇，爽腩， 面珠墩，崩沙腩，牛展，牛利都👍👍👍不過如果唔加炸蒜會更加好，因為炸蒜會蓋過了點牛味。不過如果怕騷，建議加炸蒜好點。環境舒服，整潔，食完必定愛上😂

中學的時候，午飯餐不多，加上想儲錢買心頭好，常會找些經濟實惠的店，而群記便是我的不二之選，亦是我最愛的粉面店之一，今天，我便重温一下中學時期的回憶。小妹本身就偏愛魚蛋粉，而眾多店中，群記是我最愛的一家。因為他的湯比較清，不會給人一種油淋淋的感覺，其次，他的牛的部位很講究，光是腩就有好幾種，而我最愛的就是崩沙腩，真的吃了又想再吃。另外，湯裏放了炸蒜，令湯底更香，朋友超愛吃蒜，因此也愛上了這家店。後來我發現很多飲食雜誌也曾介紹過這家店，看來這家店的實力是公認的。

今晚落左群記買牛腩河，再加碟芥蘭外賣，啲姐姐都好快手，6點幾鐘唔算多人，等左2-3 分鐘就有得拎喇，牛腩河返到屋企都好多湯，唔會俾河粉索哂啲汁，牛腩唔韌，係好食嘅！芥蘭爽脆，幾好幾好

柴灣群記個位置其實有點大隱隱於市的感覺，在街道上內凹的一角，又剛巧人流被行人天橋截斷，所以店裡並不多人講返重點一定要食招牌爽腩啦，爽腩就腩如其名：真係好爽口特別、牛味夠濃，湯底都好清新，無油膩感覺河粉都幾好，算滑溜同薄身，不過比不上筲箕灣安利份量就正正常常口痕於是又叫埋牛丸，好食咬落有肉汁滲出，非常鮮甜味道雖然比不上德發牛丸，不過亦唔算差太多，只係群記牛丸好像比較細粒以粉麵連鎖店而言，質素算對得起價錢

好彩沒有叫一人一碗，分量大到兩個人先食得完。金牌爽腩價錢較普通腩貴三分一。好食是好食的，不過我都係認為牛腩好難做得難食。所以掛金牌牛腩作招來有點太普通。店面乾淨光猛，店員有禮，整體感覺不錯

早前新開張又免費試食又八折優惠咗成個幾月嘅郡記，排隊排到出馬路，睇見都唔想試。宜家新張過後冇著數，人龍就冇啦，不過依然人來人往。一向鍾情於生麵嘅我，今日都一反常態，食牛腩就梗係配米粉或河粉啦，見咁耐冇食過河粉，就整碗牛什牛筋河歎吓。我對河粉認識唔多，知道除咗要爽滑外，都係爽滑，咁呢碗粉都煮得唔錯，冇打結成一團粉，冇糠味。湯底係牛肉清湯，味道剛好，唔覺味精，有淡淡鹵水味。牛筋炆得好冧，膠膠地又唔散，牛肺牛肚係清湯煮嘅，偏淡但一啲都唔腥臭。難得柴灣終於有碗似樣嘅潮式麵食，多謝!

柴灣新開左間群記，食評未有文章，我就試吓做第一個.......曾試過爽腩河，崩沙腩河，面珠墩河，坑腩河，咖哩坑腩飯；不過無論配合那一款食材一碗麵最主要嘅靈魂便是湯底，主打清湯牛腩當然是用牛骨清湯，濃郁嘅牛骨味加清甜籮白味調教得不錯，不會太鹹而且喝完亦不會太口渴。而招牌菜爽腩是牛腩近肚皮爽脆煙韌的軟組織，邊皮口感爽口有些似薰蹄，腩肉肉質炆得更是軟軟腍腍，既爽口又可口。崩沙腩與爽腩質感差不多，崩沙腩還多了一層肥膏。自問小弟見識淺薄從未食過牛面珠墩，第一次食口感及質感其實有些似牛𦟌或紅燒牛肉的感覺，牛肉味濃。不過對坑腩便有些失望，炆得未夠腍，肉質帶點韌及比較乾身， 還有少少渣添。食來食去都是湯河，見有飯食提供便試吓他們的咖哩坑腩飯；咖哩是椰汁咖哩派，咖哩味濃但相對比較鹹，坑腩亦是以上的問題。食過咁多間潮式牛腩店，真心說群記整體上實在不錯。還有許多不同部位牛腩可供選擇，款色齊全確稱得上是一間牛腩專家。而且一碗麵的價錢只是30元有找，絕對是經濟實惠。