Gyutan Toku牛舌專門店

營業中

休息中

女朋友好鍾意食牛舌，今日帶咗佢去土瓜灣食牛舌專門店，果然冇令我失望，牛舌專門店嘅牛舌做得非常出色。極上牛舌定食 一倍 $178牛舌表面煎得好香有好濃郁嘅炭燒香味，牛舌採用牛舌芯，食落相當軟熟，而且比較特別係配上豉油同埋Wasabi，就好似食緊日式牛舌咁，而且呢個組合好夾，食落去相當清新美味。紅酒汁煮牛舌定食 $118呢個係相對重口味嘅牛舌食法，配上濃郁嘅紅酒汁，牛舌食落去相對濃味酸酸鹹鹹咁，個汁用嚟送飯一流，牛舌係炆得超級軟熟，咬落係會有一絲絲嘅質感，係另一種風味。土佐豆腐 $68不得不讚呢個豆腐做得好出色，食落去外脆內軟，可以炸到咁軟熟嘅豆腐師傅有返咁上下功夫，加埋蔥段同木魚絲一齊食別有一番風味。梅酒 $58呢度嘅梅酒有原味同埋柚子味，原味有好香嘅梅子味。而柚子味相對地重柚子味，梅子味相對地冇咁重。