金飯館

營業中

休息中

前排經過牛頭角做嘢，是但搵間餐廳入去試吓，見到呢間金飯碗門口貼咗好多炒飯嘅相，所以就入去試吓。我點咗呢個即叫即炒椒鹽豬扒飯 $78 ，價錢唔算平，等咗大概15分鐘就有。上菜嗰陣眼前一亮，份量非常大碟，兩個人食都可以。炒飯加咗好多炒蝦米及炸蒜，啲飯炒到一粒粒金黃色，好乾身，非常香口。豬扒應該係有醃過香茅再炸，炸到金黃脆邊，咬落去又唔會好多油，非常好食。而且豬扒份量都好多，一個人食真係食唔晒。估唔到喺牛頭角都有一間咁出色嘅炒飯店，極力推薦大家過嚟試吓小店。