影片
更多
2018-05-08
497 瀏覽
熟悉筆者嘅朋友都知我身邊有個愛吃牛嘅老公，早前從雜誌得知，有間叫「616」 嘅牛肉火鍋專門店，以供應本地靚牛為主打，而且聽說店內嘅牛肉，部位刁鑽、坊間少見，有啲甚至連名都未聽過。瀏覽過食評，見價錢合理，今次就一於由我做嚮導，帶牛魔老公嚟呢間西環分店試下。(哈哈！其實我都未去過，就學人做嚮導。)店址位於西環皇后大道西 384-386 號三多大樓地下，店內裝潢非常特別，以懷舊作主題，喺裝修方面加入咗地區特色，將舖面佈置成海味舖、當舖、士多等不同場景，真係好似時光倒流，返咗去七八十年代咁。而當中最吸睛嘅，當然係自助醬料吧，裝修到好似糧油雜貨舖咁，加埋店內嘅懷舊海報、玩具、波子棋、免費扭的彈彈波、舊相機同電話等，為室內添上陣陣懷舊氣息。雖然裝修咁懷舊，不過餐牌就好先進，呢度係用 ipad 嚟落單嘅。先由湯底開始，原來湯底都有好多唔同款式可以揀，例如牛雜、沙嗲、酸菜等，不過今次就簡單啲，叫個牛骨清湯 ($38)，至於醬料方面就每位 $10。牛骨清湯選用大量牛筒骨加藥材、白蘿蔔和粟米等熬製，上桌時已聞到好香牛味，入口味道清甜，用嚟配濃味嘅牛肉，應該會幾合拍。至於牛肉方面，款式真係好多，差啲連名都
店址位於西環皇后大道西 384-386 號三多大樓地下，店內裝潢非常特別，以懷舊作主題，喺裝修方面加入咗地區特色，將舖面佈置成海味舖、當舖、士多等不同場景，真係好似時光倒流，返咗去七八十年代咁。
而當中最吸睛嘅，當然係自助醬料吧，裝修到好似糧油雜貨舖咁，加埋店內嘅懷舊海報、玩具、波子棋、免費扭的彈彈波、舊相機同電話等，為室內添上陣陣懷舊氣息。
雖然裝修咁懷舊，不過餐牌就好先進，呢度係用 ipad 嚟落單嘅。先由湯底開始，原來湯底都有好多唔同款式可以揀，例如牛雜、沙嗲、酸菜等，不過今次就簡單啲，叫個牛骨清湯 ($38)，至於醬料方面就每位 $10。
牛骨清湯選用大量牛筒骨加藥材、白蘿蔔和粟米等熬製，上桌時已聞到好香牛味，入口味道清甜，用嚟配濃味嘅牛肉，應該會幾合拍。
至於牛肉方面，款式真係好多，差啲連名都唔識讀，幸好餐牌上有張牛肉分佈圖，清楚列明牛肉各個部位，而店員亦會細心解釋和作出推介。嚟一張大合照再逐一介紹。
先試下呢碟牛扑肉 ($48)，據服務員稱，一般火鍋店會將呢個部分叫做牛頸脊，但因為頸同脊嘅口感好唔同，所以餐廳會再分得仔細啲，將頸部叫做牛扑肉。睇下，油花分佈均勻，入口肉味香甜濃郁。
至於呢碟牛駝峰 ($48)，其實就係牛扑肉後端頸背間的肉，間中帶幼筋，食落油香和肉味比例平均。由於牛扑肉同牛駝峰脂肪比較多，店員建議我地蘸點秘製牛肉汁同柑桔汁一齊食，可以中和牛肉嘅膩感。
另外呢碟係脖仁 ($68)，屬罕有限量系列，所謂脖仁即係牛頸的核心部位，油花肥嫩拼合，入口柔軟嫩滑，肉味十足。
而最尾呢碟就係店員特別推介嘅，叫吊龍伴 ($68)，即係包住牛腰脊兩邊嘅肉，亦可稱作肉眼邊，食落油脂豐富，肉汁飽滿。
配料方面，揀咗三款，有響鈴 ($28)、豆腐 ($28) 同唐生菜 ($28)。先將響鈴放喺湯內灼幾秒，由於響鈴外層吸滿湯汁，入口外軟內脆，非常正斗。嫩豆腐豆香重，質感滑溜；而唐生菜賣相亦新鮮翠綠，味道達預期般爽甜。
飲品方面，點了菊花桂圓露 ($9) 和可口可樂 ($9)，原來支桂圓露係店子自家炮製，據說無添加人造色素、香料同防腐劑，特別清熱滋潤。有數過店內提供的牛肉部位，原來有成 20 款，睇嚟真係要嚟多幾次先可以試勻曬。
張貼
