影片
更多
2019-06-17
4433 瀏覽
話說上星期男朋友話要比個驚喜我，估唔到係帶我食西餐。有關注小編ge都知小編係牛魔王，小編最鍾意食遍所有日式韓式燒肉，甚少食西餐。（其實係荷包問題😝有人請緊係食啦）白菌焗田螺係呢到推介ge前菜，所以點左黎試下。小編唔係成日食田螺，但呢個白菌焗田螺食落真係好開胃，小編初頭仲擔心食薯蓉會唔會好滯，事實證明小編太杞人憂天。小編見到干邑龍蝦湯就想試下，飲完小編好滿意，濃郁ge龍蝦湯入面滲透住微微ge酒香。唯一美中不足係龍蝦湯偏咸，小編建議有興趣點干邑龍蝦湯但又唔係咁重口味ge朋友可以預先通知廚房。小編怕男朋友荷包大出血，所以Pasta淨係叫左卡邦尼忌廉扁意大利粉。賣相唔錯，份量適中，價錢合理，唔想食咁貴ge朋友可以點佢。終於到主角烤特級安格斯肉眼牛扒出場，真係極邪惡！小編最近已經重左，仲要咁樣引誘人地！男朋友仔食左一啖肥膏，係咁讚好，小編都忍唔住要食，點知一食返唔到轉頭，太好味啦。成塊扒都係肉汁豐富，肥膏更加係有陣油香，令人欲罷不能！黎呢到食一定要叫返塊扒先得！食到最後有少少意猶未盡，於是叫左法式焦糖燉蛋做甜品。固態ge焦糖放係燉蛋表面，需要少少力打碎先可以食到下面ge燉蛋。香滑燉蛋配上甜蜜蜜g
白菌焗田螺係呢到推介ge前菜，所以點左黎試下。小編唔係成日食田螺，但呢個白菌焗田螺食落真係好開胃，小編初頭仲擔心食薯蓉會唔會好滯，事實證明小編太杞人憂天。
小編見到干邑龍蝦湯就想試下，飲完小編好滿意，濃郁ge龍蝦湯入面滲透住微微ge酒香。唯一美中不足係龍蝦湯偏咸，小編建議有興趣點干邑龍蝦湯但又唔係咁重口味ge朋友可以預先通知廚房。
小編怕男朋友荷包大出血，所以Pasta淨係叫左卡邦尼忌廉扁意大利粉。賣相唔錯，份量適中，價錢合理，唔想食咁貴ge朋友可以點佢。
終於到主角烤特級安格斯肉眼牛扒出場，真係極邪惡！小編最近已經重左，仲要咁樣引誘人地！男朋友仔食左一啖肥膏，係咁讚好，小編都忍唔住要食，點知一食返唔到轉頭，太好味啦。成塊扒都係肉汁豐富，肥膏更加係有陣油香，令人欲罷不能！黎呢到食一定要叫返塊扒先得！
食到最後有少少意猶未盡，於是叫左法式焦糖燉蛋做甜品。固態ge焦糖放係燉蛋表面，需要少少力打碎先可以食到下面ge燉蛋。香滑燉蛋配上甜蜜蜜ge焦糖，一次過將兩樣野放入口，兩個字：絕配。燉蛋賣相唔錯，仲有藍莓伴碟，絕對係甜品最佳選擇！
最後埋單大概$700，小編認為屬於合理價錢，絕對值得大家去品嚐😋
張貼
