影片
更多
2024-07-22
211 瀏覽
再訪銅鑼灣牡蠣小屋KAGURA，精緻牡蠣料理加上傳統居酒屋菜式，高質素令人不斷回訪！店內有開放式counter位睇住師傅處理海鮮，仲有和式座敷位置，充滿日式氛圍🇯🇵 🔸鐵盒燒生蠔店員將生蠔放入鐵盒，倒入清酒開始調理，燒完即席開蠔，熱騰騰蒸氣散發酒香😍生蠔肥美飽滿，清甜新鮮；今次仲加左拉克萊特芝士，燒至半融後再刮落生蠔，芝士鹹香完全將生蠔鮮味大大提升🤤🔸和牛卡爾柏喬一片片和牛薄片油花佈滿均勻，入口脂香豐富，配上大量蔥粒、洋蔥、胡椒同酸醋汁，入口完全冇膩感，非常開胃！🔸蒜香辣椒牡蠣八爪魚意粉估唔到一個經典辣椒意粉Pepperoncino都會咁有驚喜🥰意粉煮至al dente油香四溢，再加入醃製過既牡蠣同彈牙八爪魚粒，微微辣勁加上海鮮鮮味令人食唔停口♥️🔸山芋明太子鐵板燒山芋蓉本身口感綿密，加入明太子造成鐵板燒，上面再鋪滿生蛋黃、蔥粒及紫菜，黏黏口感同濃郁明太子好惹味，送啤酒一流！🔸白薑醋鯖魚昆布將大塊鯖魚、香蔥同白薑用昆布包成卷狀，喺香港比較少見到既配搭：鯖魚經醃製過後魚香濃郁，配搭白薑清新味道非常平衡，值得一試🔸免治雞肉(醬燒)居酒屋必點免治雞肉棒！雞肉棒加入軟骨口感層次豐富，加上附送既蛋
🔸鐵盒燒生蠔
店員將生蠔放入鐵盒，倒入清酒開始調理，燒完即席開蠔，熱騰騰蒸氣散發酒香😍生蠔肥美飽滿，清甜新鮮；今次仲加左拉克萊特芝士，燒至半融後再刮落生蠔，芝士鹹香完全將生蠔鮮味大大提升🤤
🔸和牛卡爾柏喬
一片片和牛薄片油花佈滿均勻，入口脂香豐富，配上大量蔥粒、洋蔥、胡椒同酸醋汁，入口完全冇膩感，非常開胃！
🔸蒜香辣椒牡蠣八爪魚意粉
估唔到一個經典辣椒意粉Pepperoncino都會咁有驚喜🥰意粉煮至al dente油香四溢，再加入醃製過既牡蠣同彈牙八爪魚粒，微微辣勁加上海鮮鮮味令人食唔停口♥️
🔸山芋明太子鐵板燒
山芋蓉本身口感綿密，加入明太子造成鐵板燒，上面再鋪滿生蛋黃、蔥粒及紫菜，黏黏口感同濃郁明太子好惹味，送啤酒一流！
🔸白薑醋鯖魚昆布
將大塊鯖魚、香蔥同白薑用昆布包成卷狀，喺香港比較少見到既配搭：鯖魚經醃製過後魚香濃郁，配搭白薑清新味道非常平衡，值得一試
🔸免治雞肉(醬燒)居酒屋必點免治雞肉棒！雞肉棒加入軟骨口感層次豐富，加上附送既蛋黃醬汁，味道濃郁
張貼
