The Starred

營業中

休息中

成日經過都好多人，今日星期六（禁蒙面法正日）6點bk到730嘅檯，同女友黎食。價位由一百到二百五，係筲箕灣最近價位黎講唔算貴。餐前湯係紫薯忌廉湯同番茄雜菜湯，上檯嘅時候唔係熱嘅扣分，味道正常。麵包都係冇咩特別，會俾油醋你點，橄欖油冇乜味。叫左一個豬扒，十分之出色，season到位，兩面煎得脆口但冇憹味，燒汁幾夾，fat cap都有煎曬，唔會成口生豬油味。另外叫左慢煮牛臉肉，其實，慢煮就好難會難食㗎喇，時間夠就林，呢間都做到，不過加分處係d牛肉本身牛味好強，份量好足。扣分係d小椰菜同蘿蔔仔唔好食，其實呢d菜不嬲都唔好食，薯蓉普通，冇牛油味，唔係滑身嘅種。