影片
更多
2023-02-07
122 瀏覽
中午同朋友出咗旺角食晏，洗衣街有間新開嘅餐廳叫「燒肉JuJu」，我哋見價錢寫$48起，好似幾抵食，就一於入去試吓。入到去嘅感覺就好似進入咗學生食堂咁，因為坐滿一班拔萃仔👨🎓。可能餐廳新開嘅關係，衛生情況非常好👍，完全冇油煙味之餘，四周圍亦毫無油漬同癡笠笠，而且佢仲好貼心，無限量提供乾紙巾同濕紙巾。一般而言，兩個人平排坐會共用一個燒烤爐，🔥 燒烤爐火候強勁，燒烤網新淨，啲肉唔易黐底。我哋嗌咗100g嘅雙併定食套餐，上菜時我極度懷疑自己係咪嗌錯200g😳，因為份量激多。兩款肉拼埋，每款都各自有成七至八塊。極上和牛套餐($128/100g)，套餐嘅兩款肉包括日本A4和牛以及牛五花。🎌和牛不愧為和牛，油花勁靚兼粉嫩，燒完之後簡直係入口即溶🤤，好邪惡，但亦可能肉嘅比例較少，肉味稍弱。牛五花望落好似普通啲🙈，不過都唔差，因為勝在夠大塊同偏厚，食落富口感。牛小排X封門柳套餐($98/100g)，🥩呢碟肉不得了，兩款肉都幾出色，雖然未到和牛級別，但肉味香濃🐮，油脂分佈平均。牛小排軟腍，封門柳肉感強。成碟肉夾埋有成十幾塊，唔使慳住食。辣椒蒜蓉味牛舌($68/150g)，👅店員介紹牛舌係新推出產品，有四
中午同朋友出咗旺角食晏，洗衣街有間新開嘅餐廳叫「燒肉JuJu」，我哋見價錢寫$48起，好似幾抵食，就一於入去試吓。入到去嘅感覺就好似進入咗學生食堂咁，因為坐滿一班拔萃仔👨🎓。
可能餐廳新開嘅關係，衛生情況非常好👍，完全冇油煙味之餘，四周圍亦毫無油漬同癡笠笠，而且佢仲好貼心，無限量提供乾紙巾同濕紙巾。
一般而言，兩個人平排坐會共用一個燒烤爐，🔥 燒烤爐火候強勁，燒烤網新淨，啲肉唔易黐底。我哋嗌咗100g嘅雙併定食套餐，上菜時我極度懷疑自己係咪嗌錯200g😳，因為份量激多。兩款肉拼埋，每款都各自有成七至八塊。
極上和牛套餐
$128
2 瀏覽
0 讚好
0 留言
極上和牛套餐($128/100g)，套餐嘅兩款肉包括日本A4和牛以及牛五花。🎌和牛不愧為和牛，油花勁靚兼粉嫩，燒完之後簡直係入口即溶🤤，好邪惡，但亦可能肉嘅比例較少，肉味稍弱。
牛五花望落好似普通啲🙈，不過都唔差，因為勝在夠大塊同偏厚，食落富口感。
牛小排X封門柳套餐
$98
8 瀏覽
0 讚好
0 留言
牛小排X封門柳套餐($98/100g)，🥩呢碟肉不得了，兩款肉都幾出色，雖然未到和牛級別，但肉味香濃🐮，油脂分佈平均。牛小排軟腍，封門柳肉感強。成碟肉夾埋有成十幾塊，唔使慳住食。
辣椒蒜蓉味牛舌
$68
7 瀏覽
0 讚好
0 留言
定食套餐包白飯、湯同前菜，我哋將其中一碗飯升級做日本蛋JUJU紫菜飯(+$18)，感覺連碗飯都大啲🍚。除咗紫菜之外，佢仲配埋木魚，而溫泉蛋就分開上，可自行調節落幾多蛋汁🍳。
湯同前菜各有兩款揀，味噌湯味道唔會過鹹🥣，而且仲幾多料；而泡菜就酸酸辣辣，帶點爽脆，好開胃。
另外嘅款式係日式椰菜沙律🥗，佢落咗少少柚子醋，亦可自行添加麻醬。原本以為昆布湯好淡味，但都OK，亦無味噌湯咁大常見。
餐廳所提供嘅肉質素高，所以就算唔蘸醬食都得。不過佢枱面亦放咗一堆調味醬料，任君選擇🧂。
總括嚟講，開初純粹諗住餐廳平先食，點知有意外驚喜。佢完勝同類型嘅燒肉店🏆，食材掂、份量足、大眾化價錢、環境舒適，以上幾樣通通都係賣點，稱得上物超所值！再者，啲肉切成一片片，食得方便，無需邊食邊切咁麻煩。
張貼
