影片
更多
2018-04-04
242 瀏覽
作為一名打工仔，難得星期五下午可以放假，都想食番一餐好既，滿足一下自己個胃（然後腰圍繼續增長。。。。。。）。搜尋到公司附近有間新開既西餐，食西班牙菜，即刻拎手袋拿拿林出發！去到餐廳門口，見到餐廳情調有D浪漫，諗緊我一個女仔入去食，會唔會有D格格不入。。。。。。好彩，望多兩望，見到有一家大細食緊野（點解小朋友唔使返學既？！），又見到有一班朋友聚餐咁，我先覺得自己一個食無咁奇怪，睇黎呢間餐廳應該適合一家大細食，又適合朋友聚會咁，不過唔知適唔適合一個人去食呢。。。。。。不過，我係門口等左好耐都未見有職員出黎帶位安排入座（但係明明餐廳裡面仲有空位的。。。。。。），我都唔知應該繼續等落去定係自己行入去坐低好。終於等到有職員帶位入座，坐低即刻睇睇個午餐餐牌。我選擇左食一個簡單既海鮮橄欖油蒜蓉煮意粉，頭盤係沙律加南瓜湯，沙律裡面混合左幾種唔同種類既沙律菜（包括我最愛既火箭菜！），加埋適量既水果，酸酸地，幾開胃。南瓜湯都幾濃郁，份量適中，因為佢味道都幾濃厚，如果太大碗，反而會飲湯都飲飽左，一陣主菜都未食就已經無胃口。一份濃郁既湯，配一份清新帶有酸味既沙律，感覺都唔錯。我既主菜係海鮮橄欖油蒜蓉煮意粉。由
搜尋到公司附近有間新開既西餐，食西班牙菜，即刻拎手袋拿拿林出發！
去到餐廳門口，見到餐廳情調有D浪漫，諗緊我一個女仔入去食，會唔會有D格格不入。。。。。。好彩，望多兩望，見到有一家大細食緊野（點解小朋友唔使返學既？！），又見到有一班朋友聚餐咁，我先覺得自己一個食無咁奇怪，睇黎呢間餐廳應該適合一家大細食，又適合朋友聚會咁，不過唔知適唔適合一個人去食呢。。。。。。不過，我係門口等左好耐都未見有職員出黎帶位安排入座（但係明明餐廳裡面仲有空位的。。。。。。），我都唔知應該繼續等落去定係自己行入去坐低好。
終於等到有職員帶位入座，坐低即刻睇睇個午餐餐牌。
我選擇左食一個簡單既海鮮橄欖油蒜蓉煮意粉，頭盤係沙律加南瓜湯，沙律裡面混合左幾種唔同種類既沙律菜（包括我最愛既火箭菜！），加埋適量既水果，酸酸地，幾開胃。南瓜湯都幾濃郁，份量適中，因為佢味道都幾濃厚，如果太大碗，反而會飲湯都飲飽左，一陣主菜都未食就已經無胃口。
一份濃郁既湯，配一份清新帶有酸味既沙律，感覺都唔錯。
我既主菜係海鮮橄欖油蒜蓉煮意粉。由於我病病地無咩胃口，仲特別要求左減少意粉既份量。全部既蜆都好新鮮，輕輕調味過之後，咬落去就有一陣天然既鹹味湧出黎，其實咁新鮮既蜆，只要廚師用適當既方法帶出佢既鮮味，已經好好味。意粉亦都軟硬適中，橄欖油唔會多到好似油浸沙甸魚咁。
轉個頭，見到一個著廚房制服既職員行去我張枱，我驚一驚，以為咩事，原來係大廚出黎問下我對食物有咩意見，好少見有餐廳咁有心。
不過，唯一美中不足既係，員工服務態度好似唔係咁理想，等帶位入座都等左一段時間，如果餐廳當時係滿座，咁我等下都無所謂，但係明明我去到嗰時都唔係繁忙時間，企正正係門口咁耐都無人理我，咁又真係有D說不過去。入左座寫單之後，全程都無員工走近過我張枱，仲黑曬我面扮見我唔到，其實，我只係想話。。。。。。你地唔記得放低瓶水俾我呀，我飲完檯面杯水之後仲係好口渴呀。
最後埋單睇一睇，都只係100幾蚊，就食到我肚滿腸肥lamlam脷
I’ll be back! 午餐既野食都已經好好味，下次我一定會再黎食晚餐 ！
（點解一張相都無呢。。。。。。就係因為掛住食，連港女指定動作“相機先食”都唔記得左咯。。。。。。 ）
張貼