影片
更多
2024-07-21
628 瀏覽
瀛豐放題料理專門店 Eihou Ryouri📍銅鑼灣駱克道491-499號京都廣場3樓愛覓食嘅好友又帶我去食好嘢，食今年第一餐放題。我呢位朋友果然眼光獨到，揀咗間地點方便、款式多元、質素有保證嘅放題專門店，同我慶祝生日。瀛豐提供接近200款港式、日式同泰式美食，如其名一樣豐盛。我哋喺星期六6點前入座，人頭唔洗$250，加上訂位有88折優惠，可以豪啲加$148追加海鮮拼盤、任食海膽帶子同任飲啤酒，非常超值！多謝好友悉心安排，用餐2個鐘頭完全無靜落嚟嘅時候，食得好開心！ 💰$239/一人晚市放題 🍽️我十分推介大家俾多$148追加享用每件$28嘅任食海膽帶子同價值$388嘅海鮮拼盤！唔好以為用咁平嘅價錢加配，質素一定唔荒好，事實係餐廳用心選材，海鮮新鮮上乘，而且擺盤精美，完全物超所值！海膽帶子 🐚每隻帶子都相當厚肉，肉質軟嫩帶點爽口，中間夾滿鮮甜甘香嘅海膽，呢個咁新穎嘅配搭，令人一食愛上！海鮮拼盤 🍱拼盤提供六款鮮美食材，當中最吸睛嘅一定係魚子醬同長蟹腳。魚子醬帶淡淡嘅鹹味，粒粒飽滿，口感細膩富層次；長蟹腳則清甜富蟹香，兩者同樣滋味。雖然拼盤嘅presentation真係好靚好特別，但大家記
📍銅鑼灣駱克道491-499號京都廣場3樓
愛覓食嘅好友又帶我去食好嘢，食今年第一餐放題。我呢位朋友果然眼光獨到，揀咗間地點方便、款式多元、質素有保證嘅放題專門店，同我慶祝生日。瀛豐提供接近200款港式、日式同泰式美食，如其名一樣豐盛。
我哋喺星期六6點前入座，人頭唔洗$250，加上訂位有88折優惠，可以豪啲加$148追加海鮮拼盤、任食海膽帶子同任飲啤酒，非常超值！多謝好友悉心安排，用餐2個鐘頭完全無靜落嚟嘅時候，食得好開心！
[價錢 Price]
💰$239/一人
晚市放題 🍽️
我十分推介大家俾多$148追加享用每件$28嘅任食海膽帶子同價值$388嘅海鮮拼盤！唔好以為用咁平嘅價錢加配，質素一定唔荒好，事實係餐廳用心選材，海鮮新鮮上乘，而且擺盤精美，完全物超所值！
海膽帶子 🐚
每隻帶子都相當厚肉，肉質軟嫩帶點爽口，中間夾滿鮮甜甘香嘅海膽，呢個咁新穎嘅配搭，令人一食愛上！
海鮮拼盤 🍱
拼盤提供六款鮮美食材，當中最吸睛嘅一定係魚子醬同長蟹腳。魚子醬帶淡淡嘅鹹味，粒粒飽滿，口感細膩富層次；長蟹腳則清甜富蟹香，兩者同樣滋味。雖然拼盤嘅presentation真係好靚好特別，但大家記得唔好掛住打卡，否則啲冰溶得太快，就會水浸成河，浸濕啲食物，要小心留意！
壽司及刺身 🍣
多款美食當前，胃口比較細嘅我只係點選咗4款口味嘅花之戀試試。分別有一般普通口味、龍蝦沙律口味、蟹肉沙律口味同雙色拖羅蓉口味。我自己覺得四款口味各有千秋，共通點就係好味，反正份量細細，大家不妨一次過點晒四款！
餐廳提供多達12款刺身，款款都鮮味十足。最得我歡心嘅非三文魚腩莫屬，厚切嘅三文魚富有油香，口感味道比一般三文魚豐富，帶皮位置魚脂更豐厚，滿足感爆棚！
松葉蟹杯 🦀
小小一杯裝滿壽司飯、蟹膏、蟹肉同蟹籽，可一次過品味松葉蟹各個部位，又唔怕會太飽肚，真係正！
張貼
