圓老爺雞煲小廚 (已結業)

今日忙裡偷閒，攞左日假去參觀tpark，浸埋個spa玩完一日就想黎元朗食野，平時係油尖旺食野多，黎黎去去都係食果d野，但我發現元朗原來有好多名不經傳但好有特式既小店。朗屏站附近有好多餐廳，又有好多橫街窄巷，誤打誤撞行經呢間圓老爺，諗起都好耐無食過雞煲，趁今日天氣唔算熱，梗係要食番個啦，今次叫左個中辣，佢地雞煲既麻味好香，同好夠辣，岩哂嗜辣既我地食雞煲之餘仲食左兩碟炸野，夠哂邪惡，呢個避風塘雜菇出面好少見，係我是日至愛好有蒜味既茄子🍆雞煲點可以無啤酒襯托！