東大門韓國料理 (已結業)

韓風潮流帶起既韓燒文化都好岩香港人口味，經朋友介紹下同女朋友去吃到飽，所以揀呢間任食韓燒。等緊食物既時候，已經有好多炸物同壽司食，味道仲十分好食。野飲最好多選擇。呢三樣係我個人必食推介，薯條可再加鹽同黑椒，十分惹味。春卷足料又夠脆，炸饅頭加練奶，一絕，外脆內軟。夾夾下熟食仲聞到呢個冬陰功湯又香又濃，即刻飲左2碗。推介大家肥牛可以用快抄既方法整，肥瘦分佈都好好，點埋個酸辣醬食，食到停唔到。海鮮拼盤，好鮮甜，個帶子仲要係連殻嫁，食材方面做得好好，蜆仲好鮮甜有小小天然海水味，蝦直頭係必食之選，非常爽口彈牙。五花腩就咁食就香口惹味，仲可以包埋其他配菜食。全部食物都好入味，醬料好味，職員服務都好好，周時教我地點燒，岩曬我呢d唔識煮野食既人。