影片
更多
2009-11-04
1993 瀏覽
呢日有朋自遠方來, 見到呢間都開左好耐, 裝修企理, 同埋去openrice見到d comment都唔算差, 就去試一試啦, 唔試由自可, 試左真係幾把火一入到去服務員的確殷勤招呼, 好有禮貌, 一坐低就不斷介紹"今日推介", 起初見到個價錢都唔算平, 例如半邊桂花魚切片成為80大元!, 蕃茄蟹湯底好似成200幾, 見到個價錢牌都頭暈眼花, 一心諗住set得咁既價錢, 實有料到掛. 就聽佢介紹啦,我地兩人最後叫左以下食物:芫茜皮蛋湯底 - 一出來既時候,係水還水, 料還料, 我唔覺有煲過既湯底蝦丸/墨魚丸 - (店員強烈推介, 兩種丸不約而同都係無味, 只係彈牙, 點左醬料都覺得好淡....)頂級手切肥牛 - (店員推介, 只可以講食完唔會lur出黎, 肯定唔會同人爭食, 食唔到都唔會後悔)花甲王- (店員推介, 唯一好食既東西, 不過好似得6隻咁上下...)桂花魚切片- (店員推介, 冇咩驚喜, 唔係咩特別新鮮...本人覺得此魚切片太薄, 因為一滾耐少少就散晒...要高度集中精神!!)五寶丸- 同蝦丸差唔多, 寫到我都不斷噗氣, 唉其實食到最後, 食剩好多丸丸, 但我地又唔想浪費食
一入到去服務員的確殷勤招呼, 好有禮貌, 一坐低就不斷介紹"今日推介", 起初見到個價錢都唔算平, 例如半邊桂花魚切片成為80大元!, 蕃茄蟹湯底好似成200幾, 見到個價錢牌都頭暈眼花, 一心諗住set得咁既價錢, 實有料到掛. 就聽佢介紹啦,
我地兩人最後叫左以下食物:
芫茜皮蛋湯底 - 一出來既時候,係水還水, 料還料, 我唔覺有煲過既湯底
蝦丸/墨魚丸 - (店員強烈推介, 兩種丸不約而同都係無味, 只係彈牙, 點左醬料都覺得好淡....)
頂級手切肥牛 - (店員推介, 只可以講食完唔會lur出黎, 肯定唔會同人爭食, 食唔到都唔會後悔)
花甲王- (店員推介, 唯一好食既東西, 不過好似得6隻咁上下...)
桂花魚切片- (店員推介, 冇咩驚喜, 唔係咩特別新鮮...本人覺得此魚切片太薄, 因為一滾耐少少就散晒...要高度集中精神!!)
五寶丸- 同蝦丸差唔多, 寫到我都不斷噗氣, 唉
其實食到最後, 食剩好多丸丸, 但我地又唔想浪費食物, 出到要差包剪揼, 輸左要食...唉
全晚最驚喜又最值得表揚既係 佢地既可口可樂, 兩個字形容 "勁凍", 我同朋友都異口同聲讚此不絕口!
總結感想: 可能有網友覺得我地奄尖, 唔識食....等等啦. 老實講我地真係唔係食家, 只係佢個價錢令我地expect食物水準太高啫. 兩個人飲左兩罐coke, 食左上面既野成480....抵唔抵自己諗~可以好肯定咁講你錢多可以去試, 但我就一定唔會!
張貼