影片
更多
2024-09-10
519 瀏覽
餐廳名叫爆爆鍋，已經覺得間餐廳幾得意，入到去都有好多呀石公仔🗿，幾搞笑！簡單啲講，佢就係火鍋🤣 但係有一啲嘅鍋底（鍋底寫住爆炒嗰啲就係），店員會喺你面前炒香，然後先加湯變火鍋，個經驗幾特別👍🏻 首先點餐有四個步驟：第一個步驟：選主餐第二個步驟：選白米飯/寬粉/新竹米粉（選一）及附送蛤蜊菜盤 （即係少少餸）第三個步驟：選鍋底第四個步驟：可以追加一款小食同埋一款飲品 （要加錢的）散點火鍋配料就任加嘅，有錢就可以點🤓😂成個過程用QR code落單，都幾簡單清晰，而自助吧枱都有一啲蔬菜俾客人任攞同埋醬料都好多款，啱晒混醬嘅人🙊主餐：綜合海鮮拼盤（$158）+寬粉+爆炒燒酒烏雞鍋（+$18）海鮮有四五款，算幾多選擇。味道同鮮味亦都正常發揮。爆炒燒就烏雞鍋就有啲特別，一嚟佢喺你面前炒，加酒嘅時候勁大火，好特別😂烏雞炒到好香，肉嫩份量多，同埋出邊少見到烏雞鍋，唔錯👍🏻寬粉有啲似紅薯粉，有飽肚感。安格斯牛小排（$168）+新竹米粉+夜市養生排骨鍋(+$18)牛小排肉質幾靚，份量對我嚟講足夠（我個人鍾意食菜多過肉），大大片，有肉香味🥰養生排骨鍋有淡淡嘅藥材味道，感覺幾健康（不過後期加湯之後都冇咩特別㗎啦
簡單啲講，佢就係火鍋🤣 但係有一啲嘅鍋底（鍋底寫住爆炒嗰啲就係），店員會喺你面前炒香，然後先加湯變火鍋，個經驗幾特別👍🏻 首先點餐有四個步驟：
第一個步驟：選主餐
第二個步驟：選白米飯/寬粉/新竹米粉（選一）及附送蛤蜊菜盤 （即係少少餸）
第三個步驟：選鍋底
第四個步驟：可以追加一款小食同埋一款飲品 （要加錢的）
散點火鍋配料就任加嘅，有錢就可以點🤓😂
成個過程用QR code落單，都幾簡單清晰，而自助吧枱都有一啲蔬菜俾客人任攞同埋醬料都好多款，啱晒混醬嘅人🙊
主餐：
綜合海鮮拼盤（$158）+寬粉+爆炒燒酒烏雞鍋（+$18）
海鮮有四五款，算幾多選擇。味道同鮮味亦都正常發揮。爆炒燒就烏雞鍋就有啲特別，一嚟佢喺你面前炒，加酒嘅時候勁大火，好特別😂烏雞炒到好香，肉嫩份量多，同埋出邊少見到烏雞鍋，唔錯👍🏻寬粉有啲似紅薯粉，有飽肚感。
安格斯牛小排（$168）+新竹米粉+夜市養生排骨鍋(+$18)
牛小排肉質幾靚，份量對我嚟講足夠（我個人鍾意食菜多過肉），大大片，有肉香味🥰
養生排骨鍋有淡淡嘅藥材味道，感覺幾健康（不過後期加湯之後都冇咩特別㗎啦🤣），排骨煲到好嫩，一大條幾好「損」哈哈哈！新竹米粉個咬感都唔錯，不過食其他野食到好飽，我食唔晒個米粉🤣
追加一款在地小吃（+22）
懷念鹽酥雞
雞肉都幾嫩同脆，唔算熱
追加一款飲品 (+$18)
蘋果醋QQ冰紅茶
蘋果醋味道幾出，一開始飲酸酸地，慢慢習慣咗佢個味道就容易左入口，好似好健康咁， QQ應該係講緊啲粒粒，幾好咬唔錯😌
散點火鍋配料
穀飼豬梅花肉 （$25）
唔錯，有4塊，肉質唔嚡
手工松露海鮮丸（三粒） （$32）
有松露嘅味道，口感彈牙，幾好咬😆
自助蔬菜吧
有10款蔬菜可以任攞，有幾款都幾特別，包括萵筍同埋淮山，好味之餘，出邊都少見😍
最後仲會送杯Häagen-Dazs雪糕，真係食到好心滿意足☺️
結論
🫰整體感覺，食物質素okay、湯底都特別
🫰一人一鍋
90分鐘好快過，我地一開始掛住驚嘆同影相冇食嘢，所以唔夠時間😂
好味度：8/10
回頭度：7.5/10
🎡餐廳資料
餐廳名稱：爆爆鍋
餐廳地址：銅鑼灣軒尼詩道489號銅鑼灣廣場一期1樓109號舖
營業時間：星期一至日 12:00-22:00
張貼
