影片
更多
2016-08-01
53 瀏覽
一開始，就有碟十分豐富、新鮮既海鮮刺身拼盤，生蠔配上新鮮既檸檬汁已經好有鮮味，再搭上餐廳提供既秘製香草汁，令生蠔既口感層次同味道更上一層樓。一黎就已經有個咁好既開頭，真係不得了。其他海鮮刺身都正，新鮮、入口即溶，唔需要多講，配上餐酒，簡直係一流既享受。餐湯係黑松露蘑菇湯，食完海鮮開下胃之後，呢碗既濃郁又香溢既餐湯真係令你胃口大開，餐湯既濃郁、黑松露既味道係食完鮮甜既海鮮之後特別出色。跟隨其後既係燒牛利配蜜糖芥辣。牛利既味道層次豐富，表面封煎得好靚，簡單地滲上鹽同胡椒已經好好味，牛利既質感軟熟，入口即溶，表面既香配上肉中間既軟熟口感，可見廚師功夫了得，牛利既分量亦適中，所以絕對唔會食膩。之後送上既係黑松露年糕，無錯又係黑松露，係食完味濃既牛利後再食用黑松露點綴既年糕，頗有中和油膩感既作用，可見上菜安培用心。年糕有嚼頭，作為年糕愛好者，呢碟送都深得我心。終於到主菜啦！我地揀左紐西蘭羊T骨、同埋美國慢燒牛肉眼。羊肉煎得好靚，略嫌唔夠騷（本人比較喜歡羊肉既騷味），但調味等等各方面都做得好好。至於牛肉眼，同樣地出色，肉既旁邊配上薯蓉，令成碟送既味道更平均。最後既甜品係芝士蛋糕，隔離配上士多啤梨等
一開始，就有碟十分豐富、新鮮既海鮮刺身拼盤，生蠔配上新鮮既檸檬汁已經好有鮮味，再搭上餐廳提供既秘製香草汁，令生蠔既口感層次同味道更上一層樓。一黎就已經有個咁好既開頭，真係不得了。其他海鮮刺身都正，新鮮、入口即溶，唔需要多講，配上餐酒，簡直係一流既享受。
餐湯係黑松露蘑菇湯，食完海鮮開下胃之後，呢碗既濃郁又香溢既餐湯真係令你胃口大開，餐湯既濃郁、黑松露既味道係食完鮮甜既海鮮之後特別出色。跟隨其後既係燒牛利配蜜糖芥辣。牛利既味道層次豐富，表面封煎得好靚，簡單地滲上鹽同胡椒已經好好味，牛利既質感軟熟，入口即溶，表面既香配上肉中間既軟熟口感，可見廚師功夫了得，牛利既分量亦適中，所以絕對唔會食膩。
之後送上既係黑松露年糕，無錯又係黑松露，係食完味濃既牛利後再食用黑松露點綴既年糕，頗有中和油膩感既作用，可見上菜安培用心。年糕有嚼頭，作為年糕愛好者，呢碟送都深得我心。
終於到主菜啦！我地揀左紐西蘭羊T骨、同埋美國慢燒牛肉眼。羊肉煎得好靚，略嫌唔夠騷（本人比較喜歡羊肉既騷味），但調味等等各方面都做得好好。至於牛肉眼，同樣地出色，肉既旁邊配上薯蓉，令成碟送既味道更平均。
最後既甜品係芝士蛋糕，隔離配上士多啤梨等水果。呢碟甜品既presentation好靚，令人食得好開心。芝士蛋糕唔會太甜太膩、加上草莓醬有種甜甜酸酸既味道，可以話係呢餐飯美好既完結。
張貼
