Cocolo Tokyo Cake Factory (利東街)

營業中

休息中

同朋友係附近食完晏，經過利東街，見到呢間日系蛋糕鋪，忍唔住買左兩款黎試下，真係唔錯喎！鋪頭門面係日系風，簡單美。而門口就放左佢哋最出名嘅青森蘋果批。但其實蛋糕選擇好多，有好多都好吸引唔止咁樣，飲品都有好多選擇，叫一杯咖啡配甜品都好夾。但我地真係食唔到咁多，所以就叫左兩件蛋糕。唔止咁樣呀，仲有日本直送嘅飲品，真係好多選擇呀！第一件梗係最出名嘅青森蘋果批啦！其實仲有藍莓批，但無咁吸引。蘋果批包裝係簡單嘅紙袋，裏面仲有張紙嘅包裝，好甜心，俾你輕鬆攞出黎。味道方面，蘋果批外面係少少脆嘅酥皮，中間係甜甜地嘅青森蘋果，蘋果嘅味比一般嘅清，真係幾唔錯呀！另外我地仲揀左特濃雙層朱古力蛋糕朱古力味真係夠濃，一層層layer食又唔會太膩。仲有係佢個包裝設計真係好有心思，fit哂件蛋糕。