一樂燒鵝

營業中

休息中

江湖傳聞一樂以前食晏大排長龍，我咁啱有排要食晏食果頭，緊係會一會佢啦！其實唔係好好燒鵝，只係唔知果頭食乜好，又可以一坐低就有得食 唔知係近排冇咩大陸人落黎定點啦！唔洗等就入得，咁我嗌油雞燒肉飯啦！好快就有喎！重唔知係咪住私樓，伯母請我食油雞肶！咁之後我食髓知味，就再約朋友黎食，又係食到雞肶喎！但我朋友就冇咁好彩啦！佢碗燒鵝瀨隻鵝燒到窿晒，我唔怕𤓓緊係幫佢同呀姐講啦！點知呀姐大為緊張：係咁㗎！係咁顏色㗎啦！我格離個男人就係食燒鵝，重燒得幾靚添！我指住同呀姐講：佢果隻唔係咁喎！呀姐眼神閃爍：係咁㗎！燒窿嘀先香呀！ 窿到黑喎！呀姐～你好野