雲來軒 (已結業)

長輩生日, 家人都偏向喜歡揀中菜。係網上見到尖沙咀雲來軒既口碑幾好, 而且又近尖東港鐵出口, 交通幾方便, 所以就預訂今晚食餐好既!座位設於一樓, 梯間張貼著大量名人曾光顧既相片, 似乎人氣不錯啊!入座先放上熱茶+前菜茶芥: HK$12/位前菜: HK$20我地點左幾款係menu上餐廳所推介既款式, 【金磚豆腐】HK$78豆腐炸皮非硬脆卜卜那種, 而是薄薄一層鬆化炸皮, 入口超滑既豆腐流出, 入口即溶, 面層有些少炸蒜調味, 更為香口。【窩粑士多啤梨骨】HK$178窩粑充滿米香, 卜卜脆, 士多啤梨骨跟咕嚕肉差不多, 只是士多啤梨骨連帶既肉少一d~ 士多啤梨骨被炸過, 淋上甜甜地既士多啤梨醬, 炸皮索左個醬, 入味得黎清新好食!【拖地蜜汁黑豚肉】HK$128每片黑豚肉均為厚切, 暖暖地, 黑豚肉瘦中帶薄薄肥油, 肉質超嫩夠林, 肉汁豐富, 表面掃上甜甜地既燒汁, 推介!【酸辣海鮮羹】HK$68呢款羹等同上海菜既酸辣湯, 很杰身, 配料幾多, 當中有幾隻幾爽既海蝦仔, 整體酸酸辣辣幾開胃。【海鮮兩面黃】HK$148 麵餅同茨汁分開上檯, 可以食到脆卜卜麵餅, 自行淋上茨汁, 茨汁唔算太濃