REFLECT Restaurant & Bar

旺角墨西哥fusion餐廳。從店中到處可見配合主題嘅裝潢，感覺寧舍寬敞舒適。今日涼涼地，就選坐室外位置，外牆仲有璧畫。✨秘製燒墨魚一上菜已經聞到好香。墨魚大大隻，好彈牙。秘製醬汁，加上孜然味同微辣，夠惹味。喜歡嘅可以加少少檸檬汁。記得要趁熱食。✨肉眼牛扒炭烤澳洲草飼牛扒，七成熟火喉剛好，內裡保持粉嫩外層帶有焦香。 可選配蔬菜汁或賓尼斯汁。配前炸薯條好脆身，仲有原個烤蒜頭添。✨自家製法式鳥結糖冰糕自家製法式甜品，賣相幾靚。甜度比一般法式甜品低，特意為香港人調配，對我黎講剛好。忌廉同蛋白做底，配上士多啤梨汁/杏脯肉/杏仁片/提子乾，口感不錯。