九鬼居酒屋 (耀華街)

營業中

休息中

放工約左朋友去銅鑼灣行街食飯，想食日本野，搵左地鐵站附近嘅一間居酒屋，睇落唔錯。由於我哋都唔肚餓，我哋叫左壽司·刺身套餐share 來食，套餐包括前菜、四款壽司、四貫刺身、魚生丼及甜品。前菜野菜沙律配上麻醬，蔬菜都很新鮮爽脆，係不錯嘅開胃菜。四款壽司有海膽、深海池魚、三文魚及火炙銀鱈魚，魚生都很新鮮肥美，尤其係個海膽壽司，鮮甜。四貫刺身分別有薄切白金鯛、帶子、油甘魚及拖羅，刺身都很新鮮，尤其係薄切白金鯛，配上有柚子汁，酸酸地帶出白金鯛嘅鮮味。魚生丼一樣正常發揮，新鮮嘅刺身配醋飯，滿足。