南瀛水產

呢間餐廳佈置得充滿日本風情，天花掛上日本燈籠，店內有大魚缸，食磯燒海鮮，即點即燒😍 ❤️除咗磯燒，仲有刺身、壽司、漬物、燒物、料理等選擇，啤酒、清酒樣樣有，有我至鐘意螢光魷魚、海膽、銀雪魚西京燒、壽司 ❣️雲丹刺身~頭盤先黎開胃海膽，味道鮮甜唔腥好Creamy❣️蟹味噌甲羅燒~由店員即席烹調，煮嘅時候已經聞到陣陣蟹香， 燒過既蟹膏味道超濃郁， 粒粒既蟹籽好有咬口加埋蟹肉絲，口感超豐富 ❣️銀雪魚西京燒~燒到剛剛好夠肉質嫩滑😍 ❣️土佐豆腐~豆腐炸得外脆內裏嫩滑😍 ❣️炸池魚仔~細細條炸得夠香口，兩款小食送生啤同菠蘿燒酎😚 ❣️帆立貝壽司、油甘魚壽司 呢度以純樸木色為主調， 面積雖然不大，但食材新鮮，食物質素高，服務態度好，交通方便，仲有包廂座位，方便一班人聚會慶祝生日😊