坂奈 (已結業)

之前約咗啲舊同事食飯，朋友帶我黎到呢間特色日本燒魚餐廳。餐廳位置於銅鑼灣嘅中心，方便放工過嚟食飯。坐低之後，首先叫咗杯柚子檸檬酒，柚子味濃郁，加上酸酸地嘅味道，清新容易入口，可以減低煎炸食物嘅油膩感。之後再叫咗兩個餐前小食，第一個係酒盜芝士，將芝士，酒，同埋一啲刺身碎撈埋一齊，再加上梳打餅，芝士味濃郁，用嚟做佐酒小食就最啱呀。另一個係酥炸魷魚，材料新鮮，送酒一流。主菜我哋揀咗一條燒鯧魚，睇住師傅即叫即整嘅過程，別有一番風味。燒魚魚肉新鮮，配合簡單嘅調味料，已經能夠帶出與魚嘅鮮味。加上獨特嘅燒法，皮脆肉嫩，令人回味無窮。