麵屋豚豚拍子 x 辛味屋 (已結業)

每次行過寶琳見到呢間野都好想試，個名好得意而且地方好似好闊落好舒服。今日同朋友行過就入咗去食。整體而言食物質素中規中矩，好在坐得舒服，好有日本食堂特色。Menu選擇好多，我哋今日叫咗吉列豬扒咖喱飯。同埋招牌牛油拉麵，小食方面叫咗雞軟骨同燒雞翼串。———————招牌牛油拉麵聽個名好似好得意，感覺上好邪惡。拉麵其實有豚肉，牛油，粟米木耳等等。雖然材料簡單，但係拉麵加咗牛油後有陣香香既奶香味，個人幾鍾意。但係稍嫌有啲咸。———————咖喱豬扒奄列飯豬扒炸得卜卜趣，熱辣辣。加上滑脫脫嘅奄烈咖喱飯，配搭10分完美。豬扒如果厚身少少會好食啲。兩個賣相同餐單嘅一樣———————燒雞翼雞軟骨串平平無奇嘅雞翼雞軟骨串燒。 冇乜炭燒嘅味道，麻麻哋，有啲乾身。———————日式餃子餃子炸得都幾趣口，但係豬肉冇乜肉汁，餡料唔夠豐富，冇乜豬肉味道。