隨心 (已搬遷) 新店位置

點了福建麵，原來又係個名同地點係唔太有關係嘅。好似星洲炒米咁，唔係星加坡特產。福建麵係馬來西亞嘅特色美食，入面有頗多蝦仁及魚蛋片，呢度嘅版本係唔辣嘅，如果去吉隆坡食，係會配搭參巴辣椒醬一齊食。水晶粉沙律，沙律菜配上堅果，味道清新。麥皮蝦就見得多，今次有麥皮雞，一樣咁香脆可口，炸完唔會好油膩，食完無乜罪惡感。個蛋餃子好好味，外皮充滿蛋香，個辣汁輕微辣，加埋好惹味，送飯送麵都合味道。餐飲點了檸檬薏米水，味道酸酸地唔會過甜，同東南亞菜式好夾。