影片
更多
2021-10-09
302 瀏覽
早前見到有朋友食完大讚鰹烏冬，我哋又唔執輸想試吓，觀塘、長沙灣都有分店，最近喺佐敦逸東酒店地庫都開咗間添。.鰹魚湯白味增鍋燒烏冬 $85首先叫咗個鍋燒烏冬試吓熱湯烏冬，配料都有好多，有月見（即生雞蛋）、豚肉、獅子狗等。湯底都唔錯，信洲白味增同鰹魚湯嘅味道都好濃郁，撈埋生雞蛋，個湯底就變得更稠身，烏冬更容易掛湯。.骨付雞 $46最後要重點推薦，每個食鰹烏冬嘅人都話必試嘅骨付雞。其實即係連骨頭嘅雞髀，表面煎得金黃色，好吸引。醃料醃得味道啱啱好，食落有蜜糖味，切開有肉汁，而表面落咗七味粉先拎起香煎。果然係鰹烏冬嘅招牌菜，好味。.柚子烏冬$56是日我哋就去咗逸東地庫嘅分店，依度有新口味焙茶烏冬，但見比較少人試，驚中伏，👩🏻就揀咗味道應該比較清新，啱晒夏天食嘅柚子冷烏冬。本來以為柚子烏冬即係柚子醬撈埋烏冬，但表面見唔到有柚子醬，只有些少柚子絲，以為中伏啦只係普通冷烏冬，但食落就feel到佢哋自家製烏冬食落零舍彈牙，亦唔係只得普通甜甜酸酸嘅柚子味，仲有淡淡柚子皮苦澀嘅味道，配埋冷烏冬汁食，感覺清新。.櫻花蝦雜菜天婦羅餅 $20有別於普通嘅野菜天婦羅，依個櫻花蝦雜菜天婦羅餅表面睇落完全唔會有一大層炸
.
鰹魚湯白味增鍋燒烏冬 $85
首先叫咗個鍋燒烏冬試吓熱湯烏冬，配料都有好多，有月見（即生雞蛋）、豚肉、獅子狗等。湯底都唔錯，信洲白味增同鰹魚湯嘅味道都好濃郁，撈埋生雞蛋，個湯底就變得更稠身，烏冬更容易掛湯。
.
骨付雞 $46
最後要重點推薦，每個食鰹烏冬嘅人都話必試嘅骨付雞。其實即係連骨頭嘅雞髀，表面煎得金黃色，好吸引。醃料醃得味道啱啱好，食落有蜜糖味，切開有肉汁，而表面落咗七味粉先拎起香煎。果然係鰹烏冬嘅招牌菜，好味。
.
柚子烏冬$56
是日我哋就去咗逸東地庫嘅分店，依度有新口味焙茶烏冬，但見比較少人試，驚中伏，👩🏻就揀咗味道應該比較清新，啱晒夏天食嘅柚子冷烏冬。本來以為柚子烏冬即係柚子醬撈埋烏冬，但表面見唔到有柚子醬，只有些少柚子絲，以為中伏啦只係普通冷烏冬，但食落就feel到佢哋自家製烏冬食落零舍彈牙，亦唔係只得普通甜甜酸酸嘅柚子味，仲有淡淡柚子皮苦澀嘅味道，配埋冷烏冬汁食，感覺清新。
.
櫻花蝦雜菜天婦羅餅 $20
有別於普通嘅野菜天婦羅，依個櫻花蝦雜菜天婦羅餅表面睇落完全唔會有一大層炸粉，應該只係輕輕沾上炸粉就放落油鑊炸。不過可能由於雜菜都好吸油，食落比較油膩。
.
總括嚟講味道都唔錯，但又未去到好驚豔嘅感覺。始終主打自家製烏冬，價錢、份量亦算正常。不過價錢牌令人有啲疑惑同感覺有啲亂，如果可以分返開主食同小食嘅類別會比較清晰。而且好多特別口味嘅淨烏冬都係只得單價，如果淨烏冬可以套餐價加錢就有個小食，對客人嚟講亦會吸引啲。
張貼
