漁港艇仔粉 (鴨脷洲大街)

營業中

休息中

成日都想試下艇仔粉，今次路徑鴨脷洲一於試試但可惜時間上未能遇到艇仔伯，唯有去地鋪止止渴地鋪好多人排隊，座位迫，感覺自己變成遊客一樣艇仔粉外，仲有紫菜六寶，魚片頭，西多士？？？......湯底用大地魚乾熬成，呈奶白色，濃厚鮮甜順喉河粉順滑，有靭度唔易碎，放湯好夾魚片炸得金黃油潤，爽口彈牙，有魚味，但同時有點偏咸呢度招牌艇仔粉有叉燒，魚片，燒鴨，炸魚皮，紅腸，魚蛋及生菜；無諗過幾件燒鴨味幾濃幾好食，另外炸魚皮厚身無油膉味，索湯食一流；其它普普通通，不過無諗過紅腸會唔好食整體都係一個不錯體驗，下次有機會再去撞撞艇仔伯