喜記蟹將軍

營業中

休息中

朋友推介一定要試炒辣蟹。可以選擇唔同大細嘅蟹，辣到都有得揀。整體味道似避風塘炒蟹辣椒味同炒蒜味非常濃烈。細蟹黎講都算多肉。另一好嘅地方係店員會幫手先敲蟹鉗，唔使客人食到太麻煩。另外叫咗椒鹽富貴蝦。同炒辣蟹一樣比較濃味，下次我可能會試油鹽水浸或清蒸。外殼脆身，蝦肉都鮮味彈牙。反而幾鍾意個豉椒炒蜆，炒得好香好入味，少少辣，蜆肉漲卜卜，無沙。蟹油炒麵都值得一試。麵條彈牙，有少許蟹油嘅甘香同蒜香，份量都OK。