鮨處松戶 (彩星集團大廈)

營業中

休息中

最近聽同事介紹，公司附近有間隱世日本菜，評價都幾好，終於都有機會嚟食吓。特上刺身拼盤刺身份量都幾足，分別有吞拿魚腩，赤貝，大赤蝦，加拿大海膽，三文魚子，吞拿魚赤身，同埋兩款白身魚。相信款式會隨着季節有改變，今日拼盤上嘅刺身都非常新鮮，而且有豐富油脂。海膽見到啲籽粒粒分明，食落唔苦唔係一陣怪味嗰種，撈埋啲三文魚子一齊食爆哂汁~沖繩苦瓜炒蛋一向唔食苦瓜嘅我哋決定試一試呢個店員推介嘅苦瓜炒蛋，真係完全唔苦，加埋木魚嘅炒蛋味道勁夾，估唔到咁有驚喜。白鱔串燒勁厚肉嘅白鱔燒出嚟同坊間嘅鰻魚好大分別，肉質超級彈牙同埋充滿油脂，而且醬汁甜甜地，都幾夾。沖繩豬手豬手烹調時間十分足夠，令到豬手可以好淋，夠晒入味，食得出煮嘅過程有用到酒，令到味道更昇華。日式雜錦烏冬最後上嘅烏冬份量都唔細，有天婦羅蝦、蟹柳、菜、菇、溫泉蛋同雞肉，都幾多嘢食，夠晒滿足。總結餐廳喺同區來講算收費合理，食物質素亦都係高於預期，加上裝潢幾有特色，所以都會推薦比朋友黎試下👍🏻。