Pulau

營業中

休息中

今日去中環新地標-中環街市朝聖，自從佢裝修完之後都未黎過，所以趁去開中環就黎睇下。入去其實地方光猛，乾淨，幾舒服。仲有分室內室外，個感覺幾正。個格局令我諗起新加坡食飯個feel, 最搞笑係佢又真係有坡菜，咁咪順勢試試 - 蒲羅。坡菜必點-咖央多士，去親新加坡都必食。佢個多士無坡式咁 Dry, 可能迎合翻港人既口味，唔錯既，個半熟蛋就係坡式水準，正既，啲豉油都係新加坡嗰種濃稠既豉油，有鹹味仲有坡味。主菜-海南雞飯，去新加坡其中一個最common既就係海南雞飯，所以叫左個。啲雞肉質夠滑，就算雞胸都唔會“鞋”。配個雞油飯+三色醬，唔駛多，特別中意黃色嗰個蒜蓉醬，停唔到！最後同朋友share個小食，鹹蛋魚皮。呢個就離譜喇，啲鹹蛋多到誇張，滿足我呢啲鹹蛋控。魚皮亦都無因為鹹蛋醬而軟身，仲係脆朴朴，我諗應該係即叫即整，所以稍為等一等先有得攞，完全好食過一包包薯片嗰種鹹蛋魚皮。係香港想食到新加坡咖央多士、半熟蛋、即整鹹蛋魚皮，我諗真係罕有，中意坡菜既人，值得黎試。