螢火

啱啱出糧，又係時候食餐好😆今次去咗book mark已久嘅螢火食鐵板燒🇯🇵我哋一行二人，揀咗$1390一位嘅螢火是日推介晚市鐵板燒套餐🍽️而家揀呢個餐，都會送一份海膽杯，另外仲有免費清酒任飲兩小時，因為我哋本身飲酒唔叻，職員介紹我哋飲咗隻白雪，好易入口，同海鮮都好夾🍶一開始先上沙律🥗再來就係黑魚子鵝肝蒸蛋，賣相精緻，蛋好滑溜，配埋黑魚子增添口感，仲有突出嘅鵝肝香氣~而送嘅海膽杯都唔馬虎，好新鮮好甜。海鮮共有三款，澳洲龍蝦最得我心😍新鮮又大隻，肉質爽彈，用龍蝦膏調味更提鮮！而南非鮑魚就有兩款醬汁，我個人更愛黑松露醬，香得嚟層次豐富，海苔汁就係另一種清香~再之後就係日本象拔蚌，口感軟嫩中帶點爽口，唔需要太多調味已經覺得好正👍🏻到肉嘅部份，我哋都係揀A5和牛，一個薄燒一個厚燒，如果唔食牛嘅話，都可以揀日本黑豚肉~厚燒和牛request五成熟，煮好後中間依然呈粉嫩顏色，好吸晴，油脂平均，入口鮮嫩，配埋蒜片食更正🐂而薄燒就係用牛包住蔥蒜一齊燒，味道層次比較豐富，既有牛油香，又有蔥蒜嘅香氣。最後就係一道櫻花蝦炒飯，飯粒炒得乾爽，再加入櫻花蝦帶點鹹香，面頭放咗一隻日本煎蛋，師傅教路將煎蛋嘅蛋汁撈埋飯一