莆田 (已結業)

CP值高濃湯滷麵，及自創肉餃2018/10/28今日陪家姐到馬鞍山睇中醫，新港城已裝修得面目全非，多了不同的連鎖餐廳，中式及日式菜館，日式拉麵店等等。店門外有介紹店中嘅招牌菜，我地試了兩款十大必食菜式。餐廳內供應菊花茶，茶錢$9一位，我同家姐兩人只點了三道菜，菜式如唔夠食有得跟人頭加份數計錢。扁肉湯係店內嘅名菜，店內一直播住肉餃皮由創辦人自家研製，人手拉皮，人手打肉。肉餃非常鮮甜，好有驚喜，但個湯底寫明有醋，酸酸的都幾開胃，但未必個個人都中意嘅酸味。一碗肉餃份量已有8-10隻，只需$19,肉餃雖然細隻，但以功夫來說，我認為CP值高。另外，百秒黃花魚（$69）同屋企蒸魚食冇咩分別，只係魚蒸嘅時間剛好，鍋內仲有鮮甜嘅魚汁，但黃花魚有好多細骨，我差點卡住骨解脫不了。第三道菜，莆田滷麵（$80），有菜同不少海鮮在內，有蝦肉，蜆肉，似用新鮮蜆製成，蜆殼也在湯內，一兩隻連殼嘅蜆仲有細沙，湯底似芡汁但好鮮甜，麵非常淋而掛湯，有啲似福字麵，好易吞。下次再黎嘅話都一定要再點。埋單時有加一同茶錢要比，都近$200兩位，三個餸菜。其實有點貴，但菜式的確有特色，而又好味，想食中式大餐可以黎。