鬼金棒

營業中

休息中

麻辣味增湯底嘅日本拉麵就真係唔多見😕😕今次咁啱同屋企人一齊喺尖沙嘴行街就見到日本過江龍拉麵店鬼金棒，本身仲擔心屋企人唔係好食得辣，會食唔到呢度嘅麻辣拉麵，但係店員都好好咁樣解釋可以走辣，屋企人就可以安心咁去享受味增湯底玉米筍辣麻味增拉麵（另加味玉）辣麻味噌湯底有非常濃郁嘅豬骨味，配上微微辣嘅辣椒油做點綴，非常惹味！玉米筍口感鮮嫩無纖維之餘仲有少少黑椒嘅味道可以見到係有事先醃製過。拉麵用嘅面係粗身嘅拉麵，口感嚟講比較偏硬。另外追加咗味玉，其實就係日式糖心蛋，呢個簡直係意料之外嘅驚喜，蛋味非常香濃仲有淡淡的甜味，而且蛋黃嘅顏色好紅。特製拉麵呢一碗拉麵係舖頭入面嘅主推，其實同其他拉麵主要唔同嘅地方就係會多一舊大叉燒肉，叉燒嘅肉質非常之嘅軟爛入味，而且有好香嘅醬燒味，份量俾佢一啲都唔少大大嚿咁，食到我都非常之嘅滿足。我呢碗麵嗌咗小辣小麻，其實就唔係好食到好重嘅辣味，比10小辣更加要唔辣，但係如果同屋企人嗰碗相比較嘅話就會更加惹味啲啲。