獨 ‧ 火鍋撚 (已結業)

呢排因為疫情，好少出街食飯。之前仲有打邊爐家族感染肺炎，真係搵fd 打邊爐都好有難度🙈🙈🙈今日比我係OpenRice 搵到平時食開的火鍋撚，佢開左主打一人一鍋的火鍋😍😍😍獨自一鍋，仲要用即棄餐具，衞生意識高，令人打得放心，食得安心。食物方面，店內有3個套餐，分別「梅」「蘭」「菊」餐，再自選湯底。而套餐覺得唔夠的話，可以追加食物，價錢亦算便宜，因為佢主打一人分量，所以1x-2x就有一碟。我叫左【🌸蘭🌸】極品安格斯肥牛滑雞手工餃子鍋（$158）配媽媽滋補老火湯鍋【蘭】是以安格斯肥牛、滑雞、手工餃子為主要火鍋配料。我朋友叫左【菊】極品安格斯肥牛海鮮鍋（$198）【菊】以海鮮為主，有日本蟹柳，生猛海蝦，水土魷魚，廣島生蠔，脆鯇魚片，再加極品格斯肥牛為主每份都有新鮮菜籃同一款粉麵，可以由紅薯寬粉、稻庭烏冬、龍口粉絲同出前一丁揀。私心推介： 粉絲，因為可以吸曬湯的精華😋😋😋其實份量超級夠飽，但我地另外叫左煎午餐肉（有3件）我哋直接當小食食。最後，雖然地方比較少，但性價比一流，單叫一個套餐已經好飽。同佢衛生好好，一人一鍋，同用即棄餐具，一入去又探熱，真係令人食得好安心。