Metal Steak (已結業)

星期六約咗朋友去蘭桂坊，班友仔又話食完飯先出來，我自己一條友係中環hei住等佢哋，行行吓行咗去歌賦街，行到街尾，見到個透明玻璃裏面有個火辣辣嘅燒爐，抬頭望吓個門牌，原來就係雜誌介紹嗰間metal steak, 二話不說我入去，即叫即磅即切即燒既安格斯西冷，叫左250g,0.6蚊per g,三成熟，都真係幾抵食，然後我坐低，唔使五分鐘，熱辣辣香噴噴鐵板上嘅安格斯西冷送上，我用咗枱面有嘅芥茉漿同薄荷啫喱，感覺清新，完美配搭，用火爐燒嘅西冷果然鎖住所有肉汁，有咬口得黎唔顏口，咬落肉汁必出来呀！比起嗰啲貴價扒房，1D都唔輸蝕！真心介紹俾朋友啊！決定下星期再帶女朋友再嚟食！