程班長台灣美食 (已結業)

放假過後...重拾心情！今日要見工過左黎荔枝角！見完工放鬆下！梗係搵好野食啦！程班長係我既首選！雖然次次黎班長道都要等位！但值得架！好味係需要等既！今日獨自一人嘆美食...都唔知叫乜好！一個人食得唔多 😭 最後決定叫個麵/飲品/小食！豪一豪佢！酸梅汁好正！我每次都叫 😋三寶冬粉正呀！下次試下班長既米粉先得！因為食麵會好滯！冬粉又吸湯！我連湯都清哂！唔駛話你知都知正啦！三寶有肚/筋/腩！好夠淋！太正喇！呢個叫肝連！豬肉味好濃！好香口又有咬口！大家可以下次試下！班長既鹵水好好味 👍🏻👍🏻** 最後我仲買左豬腳同紅綠豆芋圓外賣 👍🏻👍🏻 雖然冇影相！好好味！值得推介！可能你會話香港食台灣野道道都有！正宗台灣整俾你食！又唔駛你飛去台灣！我認為係我掛住台灣既時候，上一上黎就可以解到掛念 👍🏻👍🏻