大灰熊廚房 (裝修中)

我朋友住將軍澳，因為好耐冇見，所以就約咗佢一齊食個飯。佢就推介左一間去佢屋企附近嘅茶餐廳，哇又平又抵食，味道都唔錯，話想帶我試吓。間餐廳個位置有啲偏僻，唔係太易搵，應該多數都係附近嘅街坊先知。涼拌青瓜蒜蓉味突出，青瓜鮮甜爽脆，感覺非常之清新同健康。黃金四季豆用鹹蛋炸四季豆，有鹹蛋嘅甘香，亦都有四季豆嘅清新，食落一啲都唔覺得熱氣清炒時蔬叫佢炒左個荷蘭豆俾我哋，因為都想食健康啲，唔想太熱氣。荷蘭豆有鑊氣，炒得唔錯，食落爽脆唔老。