玉庭

帝都酒店入面這間玉庭都有一段時間沒有去，剛剛上星期日同屋企人飲茶發覺點心味道唔錯，埋單時送了一張七五折晚飯coupon，於是今日同屋企人再來試試他們的晚飯，這裏環境舒適， order咗佢哋推介的脆皮千層糯米乳豬， 這個手工做得很精緻， 廚師亦好細心把脂肪去除，配埋糯米薄薄一片， 外脆內軟這樣配搭不會覺得肥膩。這條鹽燒烏頭很大條， 啖啖肉配埋豆瓣醬非常鮮甜美味。還有這個柚子陳皮骨做得很出色，各人都很喜歡， 值得一讚就是他們的柚子肉一粒粒配埋陳皮絲很甘香酸酸甜甜非常 惹味又開胃。萬佛寺齋煲和淮山雲耳炒蜜豆， 賣相雖然一般，但味道唔錯，欣賞他們做到少油少鹽，感覺健康。這次晚飯大家都非常滿足。