古今二 (荃新天地)

營業中

休息中

之前有買過古今二既外賣翻屋企食，今次黎試下堂食。卷物款式好多，而且款款都好特別，有金龍卷、蜘蛛、煙花、烈火紅唇等等。就咁睇個名都唔知係咩黎🤣但係放心每一款都冇伏👍另外今次午市去，一坐低就比左一人一碗麵豉湯我地，都幾好飲，仲有午市套餐嗌，除左佢地最主打既卷物之外，仲有各式丼飯、刺身壽司、冷麵烏冬等等。1⃣️日式炸雞定食（$75）炸雞炸得好脆，不過炸皮偏厚同硬，而且肉質偏乾，唔係特別推薦。不過成個定食幾豐富，伴碟有沙律、炸餃子、同埋一件泡芙。  2⃣️卷物盛（$98）有火山、加州卷、費城卷、鰻魚牛油果卷各四件。火山有帶子、青瓜、牛油果、蟹柳，個人最鍾意呢款😍面頭蟹柳、蟹籽、沙律醬等等配合埋下面既卷物一啖食落超滿足～另外費城卷都唔錯，有三文魚、cream cheese、牛油果，係唔會輸既組合。  3⃣️辣妹（$72）有辣味吞拿魚、炸蝦同埋芝士。雖然叫辣妹，但係個人覺得唔辣，面頭既吞拿魚蓉好多好creamy～  4⃣️超級龍卷風（$88） 有鰻魚、海老、芝士、青瓜、脆片。我同朋友都好鍾意呢個！面頭灑上左啲脆片，入面仲有炸蝦同鰻魚，每一件都食到唔同既食材😋  5⃣️午夜牛郎（$95） 有三文魚、牛油果、芝士。個名夠