丼燃食堂

營業中

休息中

餐廳嘅裝修同設計好盞鬼，令到人一種開心放鬆嘅感覺，玩味十足，打卡一流。Lunch有五款午餐丼飯可以揀，我揀左虎燃丼。刺身可選火灸與否，醬料可從海膽醬/明太子醬/蜜糖芥末醬/芝士蟹籽醬中選一款，今次就試左火灸同芝士蟹籽醬。丼飯賣相好靚，芝士蟹籽醬同壽司飯好夾，火炙左嘅刺身油脂滿滿，稍微燻香都唔洗沾醬油。三文魚同蟹棒不過不失，甜蝦就差少少，感覺唔算太新鮮。加配白桃冷泡茶，有淡淡嘅桃香，好refreshed 非常唔錯。整體感覺都OK，丼飯正常發揮冇咩大驚喜，裝修好特別有睇頭，一試無妨。