旺泰特食 (已結業)

終於都忙完功課考埋試，早排真係忙到飯都唔想食。呢日同舊同事一齊約咗坐船出離島玩。去之前梗係要醫肚先啦！舊同事帶我去呢間食泰國菜。因為要就埋D返早既人，所以我地約三點，正值過咗繁忙午市時間，一黎到就有位坐，餐廳入面都冇咩人。叫一點小食拼盤，咁樣大家就可以食唔同既小食、串燒啦！生菜包係食泰國菜必點既，再叫一碟炒通菜、咖喱雞、冬蔭公！蒜蓉包拎黎點下咖喱就啱啱好。冬蔭公有D辣。整體黎講，食物真係唔錯！所以大家都可以食飽飽出發去玩！