珍姐廚房

營業中

休息中

今餐想食下住家菜，嚟到呢間喺大坑嘅珍姐廚房，餐廳無華麗裝潢，卻有一份難得嘅人情味，坐底一陣就已經見唔少街坊入嚟幫襯珍姐。今日珍姐推介豆腐火腩飯！呢度嘅豆腐火腩夠曬份量呀！火腩同豆腐一樣咁大舊，大大啖咁食，落過足口癮。整體調味唔會過重，好住家。清蒸馬友馬友蒸得啱啱好，魚油充沛，肉質柔軟嫩滑，魚汁加少少豉油用嚟撈飯一流!!白灼芥蘭出街食菜最怕太多油，喺珍姐廚房就絕對唔會有呢個問題，芥蘭唔會烚過龍，又少油，夠曬健康。臨尾再飲多碗老火湯，清清地，正呀。