古法烘焙 (已結業)

一向愛吃街頭小食既我見到呢間主打雞蛋仔既食店出現o係“最多好評”既餐廳排行榜，梗係要去試一試啦。門面都幾光鮮整潔，除左一角整雞蛋仔之後仲有賣曲奇、蛋卷等等小吃。令人訝異既係o係呢間古法烘焙入面連一點點古法既蹤影都搵唔到。整雞蛋仔既係簇新既電爐，負責整雞蛋仔既都係一個後生女，咁何謂古法呢？？？anyway, 一場來到都一定要試下既，女友鍾情朱古力就要左個朱古力夾心雞蛋仔。睇個正面好似咩都無咁，但係一反轉佢就即刻流晒口水，皆因全底都佈滿朱古力粒，絕無欺場。先講朱古力粒，係dark chocolate一類的，不太甜亦都有朱古力味，感覺良好。主角既雞蛋仔卻係有D令人失望。雞蛋仔係細size的，逐粒咬的話係無咩口感。脆係脆了，不過淨係薄薄既邊皮位脆。中間既雞蛋仔只係平平無奇，無特別香既蛋味or牛油味。以$17一底來講唔太抵食，老實講我覺得沙田偉華中心入面有間小店（唔係百佳）既雞蛋仔還要好多得。或者下次試下特色D既薄荷或者花生醬啦。