星怡

營業中

休息中

好耐冇行落去現崇山搵食啦，今晚趁阿仔出左糧就搵佢請我去食番餐星加坡菜啦😆。餐廳有室內同戶外兩個區域，戶外一般深受鍾意飲酒🍻朋友嘅歡迎，同三五知己，chill下、飲下，食下，吹下水，非常悠閑，餐廳戶外仲有歌手定時獻唱，好有氣氛；室內坐位舒適，又有冷氣嘆，岩晒我啲怕熱嘅朋友。先點一杯冰凍特飲🍹🍹美祿恐龍，杯面鋪上滿滿美祿波波，勾起阿仔兒時回憶嘅凍飲，一杯美祿味道濃郁嘅飲品；🍹芒果椰汁沙冰，芒果而家係最甜美，椰香滿滿，沙冰涼到入心。先點一個餐前邪惡小食，阿仔最鍾意，咸蛋黃金炸魚皮，魚皮好脆身，黏滿咸蛋黃，又香又脆。新加坡鮮蝦喇沙，好地道嘅湯麵類🍜，除左大蝦，仲有豆卜，魚片同半邊雞蛋，微微辣中又食到椰香，好岩夏天食。馬來鮮蝦炒貴叼，不油不膩，炒得好乾身，側邊拌醬釣起整碟貴叼嘅味道，些少咸咸香香拌沙嗲味道，非常惹味。新加坡麥片蝦，蒜蓉、辣椒爆炒就食得多，麥皮蝦就第一次食，蝦面黏滿麥片，味道甜甜香香咁，大蝦爽爽彈彈，係唔錯嘅新體驗😋。