GIN KATSU (已結業)

年頭才開業的新店門面頗為簡約美觀，特別是招牌仿似一個繩結引人入勝，進去後就見約十個吧檯位置和數個卡位，黑色雲石桌加上和風木系裝修，帶有神秘感，猶如炸衣下包裹著什麼內容物一樣令人好奇打開餐牌就看到琳琅滿目的吉列炸物，定食類有和牛、黑豚、海鮮和滑蛋當飯等，另外可以單點，在定食之上變得更豐富，酒品類除了常見的三得利還有來自大阪箕面的數款手工啤酒，箕面以瀑布著名，山水自然培育出好酒吉列日本黑豚肉眼定食 | $228 | 7.5/10埋位時咁啱見到師傅切緊，即刻入坑叫咗，因為麵衣幾酥脆，入面仲有小小粉嫩，值得一讚呢度服務貼心，會問客人想食肥d定瘦d，我地叫咗偏瘦既黑豚肉，食落都唔會柴，肉質鬆軟帶住淡淡肉香幾鍾意定食既配菜，椰菜絲係最佳拍檔，因為可以有爽脆清新口感，解膩一流，旁邊漬物係大根柚子漬，聞落幾香，口感清爽，湯品唔係普通味噌湯，而係牛尾湯係熬足6個鐘，飲落唔多油幾順喉，米就用咗絹光米，米粒晶瑩唔會過黏吉列日本和牛三文治 | $180 | 8/10食得吉列和牛當然唔可以錯過招牌菜和牛三文治啦，幾鍾意呢間用鬆軟麵包加上小小特製牛排汁，可以提升鮮味同解膩，入口脆香既和牛同方包相得益彰