影片
更多
2024-06-19
1209 瀏覽
星期日尖沙嘴食完晚飯，想話飲返杯迎戰聽日blue monday，之前見過唔同媒體介紹過呢間新開位於五星酒店既bar，一於試試佢！去到Avoca第一個感覺裝修型格摩登，比好多香港高級酒吧更加寬敞舒適。店員帶我地去到窗邊一張四人枱，經典維港夜景盡收眼簾。不過比較吸引我既，當然係佢既cocktail menu，今次真係大鑊！每一款都好吸引！店員都知你地醉翁之意不在閱讀，隨即放下一個而家新式雞尾酒吧都好興既小玩意「幫」你揀酒。我呢度就唔多講點玩喇，劇透又有咩意思呢，自己上黎感受下囉！鍾意飲Old Fashioned既我二話不說叫左杯Lap Yuk Old Fashioned （臘肉威士忌），正宗bourbon酒底經過中式臘肉infuse出煙燻甜美感，加上橙皮油香，搭配自家製臘肉碎朱古力帶來多層次味蕾衝擊！我係高度推薦既！朋友玩完一輪小玩意都係心大心細，即管問下外籍店員Hazel有咩推介。喂？原來佢係香港長大，將menu上面以本地飲食作靈感既cocktail逐一生動介紹，並告知各款咁鬼馬又本土口味既cocktail原來係出自擁有20+年調酒經驗、行內獲獎無數既bartender Joe Vill
去到Avoca第一個感覺裝修型格摩登，比好多香港高級酒吧更加寬敞舒適。店員帶我地去到窗邊一張四人枱，經典維港夜景盡收眼簾。不過比較吸引我既，當然係佢既cocktail menu，今次真係大鑊！每一款都好吸引！店員都知你地醉翁之意不在閱讀，隨即放下一個而家新式雞尾酒吧都好興既小玩意「幫」你揀酒。我呢度就唔多講點玩喇，劇透又有咩意思呢，自己上黎感受下囉！
鍾意飲Old Fashioned既我二話不說叫左杯Lap Yuk Old Fashioned （臘肉威士忌），正宗bourbon酒底經過中式臘肉infuse出煙燻甜美感，加上橙皮油香，搭配自家製臘肉碎朱古力帶來多層次味蕾衝擊！我係高度推薦既！
朋友玩完一輪小玩意都係心大心細，即管問下外籍店員Hazel有咩推介。喂？原來佢係香港長大，將menu上面以本地飲食作靈感既cocktail逐一生動介紹，並告知各款咁鬼馬又本土口味既cocktail原來係出自擁有20+年調酒經驗、行內獲獎無數既bartender Joe Villanueva （前身香格里拉Lobster Bar）既手筆！Hazel推薦左佢自己至愛既Cucumber Gimlet （青瓜Gin酒）：清新冰凍既青瓜碰上生津解渴既青檸酸，絕對可以取代飯後甜品！
一聲聲驚嘆不已及一口口大快朵頤之際，我杯old fashioned好快已經飲曬，酒吧經理Bowie行過見到，貼心了解左我既口味後，推薦同樣係whisky based既「腸粉」！一杯有烘烤芝麻、花生醬鹹香及檸檬酸勁既whisky sour，出色！
幾杯酒後，健談而笑容充沛既Hazel又同我地介紹新酒店密鑼緊鼓既各種餐飲活動，並帶我地遊走多個酒吧驚喜之處（自己上黎睇啦！），我地已經等不及再訪喇！
本來一個平平無奇既週日晚，經過偶然既一趟新店探訪，加上酒吧團隊既熱情招待，將星期一帶來既頹喪感暫時一掃而空。望著夜幕低垂既維港，我相信呢度既日光總會冉冉升起。
張貼
