川大哥

營業中

休息中

天氣開始涼涼地，可以試下打邊爐喎，係深水埗搵左呢間四川火鍋，環境唔錯，坐位闊落又企理乾淨。好，坐低睇下有咩好食先。麻辣雞煲半隻，超多芫荽，成個煲好香，洋蔥又爽又甜，叫左中辣，啲雞真係辣度十足。肥牛片，食到咁上下，就開始加湯打邊爐，呢度食材都好新鮮，啲肥牛紅卜卜，厚切，食落有牛味又有咬口。台灣花枝丸，爽彈爽彈，有墨魚香。手工魚皮餃，皮薄，魚肉餡料多，大大隻。自家製凍豆腐，冰冰既質地，放湯幾好煮。日本讚岐烏冬，烏冬唔錯滑嘟嘟。娃娃菜，菜葉大片好索湯，又要打大佬了！