牧羊少年咖啡館 (香港文化博物館)

營業中

休息中

本來去香港文化博物館已經係一個消閒好去處， 四周環境幽靜，感覺好舒適。呢間餐廳更加配合咗四周圍嘅環境氣氛， 一入到去高樓底，充滿西方特色嘅座位擺設 ， 仲有好聽嘅英文歌。行完博物館 ，想舒適咁搵個位坐低嘆杯咖啡， 呢間餐廳絕對係首選， 好過好多連鎖大牌子嘅咖啡店。今次試咗我一向最愛嘅hazelnut Latte 拉花都幾靚， 飲落都幾香幾滑。呢間餐廳主張慢活， 希望都市人能夠慢慢享受一下， 唔使成日匆匆忙忙。仲有個幾特別嘅服務， 就係可以買張明信片喺指定日子，餐廳會可以代為寄番畀自己， 令你可以回想返之前嘅感受。