天外天

朋友生日, 選擇了這間店名特別的中菜, 天外天, 一步入店內, 感覺和一般中菜店好不同, 十幾位客人正在嘆緊杯中物, 服務員帶領我們再步入另一邊先係中菜部, 眼前落地玻璃飽覽維港夜景, 可惜我們坐唔到窗邊, 裝修設計唔錯, 店內有大量存酒, 大家點了片皮鴨晚市套餐, 頭盤: 青瓜紅蜇頭, 原隻鮑魚雞粒撻, 五香安格斯脆腩片, 鮑魚算大隻, 味道亦唔錯, 安格斯腩片味道和口感都好特別, 唔講都唔知自己食緊牛, 片皮鴨好有鴨香, 肉質軟硬剛剛好, 生拆蟹肉菜苖羮一般, 宮廷海鮮酸辣羮似上海酸辣湯, 羮內有大大隻蝦, 蝦肉彈牙, 乾燒明蝦球, 蝦肉都係好彈牙, 味道酸酸甜甜, 櫻花蝦帶子蟹肉炒飯, 味道不過不失, 甜品賣相好靚, 但個人唔太好甜品, 所以唔覺有乜特別, 以上套餐每位計, $588, 帶了蛋糕上去, 切餅費盛惠$200, 每位茗茶$30, 不足之處, 光線過份昏暗及上菜太慢.